ՀՀ ներքին գործերի նախարարության Ճգնաժամային կառավարման պետական ակադեմիայում ՆԳՆ փրկարար ծառայության ծառայողների վերապատրաստման 2024 թվականի աշխատանքային պլանի համաձայն, փետրվարի 5-7-ն անցկացվում է «Էլեկտրամոբիլների վթարների դեպքում փրկարարական աշխատանքների անվտանգության ապահովում» եւ «Արեւային էլեկտրակայանների հրդեհաշիջման աշխատանքների կազմակերպման եւ իրականացման առանձնահատկությունները» թեմաներով վերապատրաստման դասընթաց, որին մասնակցում են փրկարար ծառայության Երեւանի փրկարարական վարչության տարբեր հրշեջ-փրկարարական ջոկատների օղակի հրամանատարներ եւ խմբի պետեր: Մարզերի փրկարարների համար այս թեմայով վերապատրաստում էր կազմակերպվել հունվարին:
Եռօրյա դասընթացի առաջին երկու օրը տեսական դասախոսություններ են, վերջին օրը՝ գործնական աշխատանք՝ «Տեսլա Էներջի» ընկերության արհեստանոցներում:
Առավել մանրամասն՝ այստեղ:
