ՀՀ արտակարգ իրավիճակների նախարարության փրկարար ծառայության հոգեբանական աջակցության բաժինը 2022 թվականի նոյեմբերի 14-21-ը ժամանակահատվածում ստացել է 44 զանգ, որից 25-ը՝ հոգեբանական ուղղորդման եւ աջակցության վերաբերյալ:
Մնացած զանգերը եղել են հետեւյալ հարցերով. յոթ զանգ՝ 44-օրյա պատերազմից տուժած քաղաքացիների, չորս զանգ՝ հոգեկան խանգարումներով քաղաքացիների, երեք զանգ՝ ինքնավնասման սպառնալիքի, երկու զանգ՝ ինքնասպանության փորձի, մեկական՝ երեխաների, միջանձնային բնույթի խնդրի, ալկոհոլիզմով տառապող քաղաքացու վերաբերյալ:
Բոլոր դեպքերում ցուցաբերվել է համապատասխան աջակցություն։
Հոգեբանական աջակցության բաժին կապվելու համար գործում են 911, 060 712 444, 010 360 684 եւ Viber հավելվածի +374 41 911 006 հեռախոսահամարները, psychologist@mes.am էլեկտրոնային հասցեն։