ՀՀ արտակարգ իրավիճակների նախարարության փրկարար ծառայության հոգեբանական աջակցության բաժինը 2022 թվականի հունիսի 6-13-ը ժամանակահատվածում ստացել է 35 զանգ, որից 23-ը՝ հոգեբանական ուղղորդման եւ աջակցության վերաբերյալ:
Մնացած զանգերը եղել են հետեւյալ հարցերով. 6 զանգ՝ հոգեկան խանգարումներով քաղաքացիների, 2-ական` ինքնավնասման սպառնալիքի եւ միջանձնային բնույթի խնդրի, մեկ զանգ՝ ինքնասպանության փորձի վերաբերյալ: Ստացվել է նաեւ մեկ կեղծ ահազանգ:
Բոլոր դեպքերում ցուցաբերվել է համապատասխան աջակցություն։
Հոգեբանական աջակցության բաժին կապվելու համար գործում են 911, 060 712 444, 010 360 684 եւ Viber հավելվածի +374 41 911 006 հեռախոսահամարները, psychologist@mes.am էլեկտրոնային հասցեն։
