Ըստ այդմ, Գորայք, Խաչիկ, Մարտիրոս, Այրում, Երվանդաշատ, Տեղ, Շողակաթ համայքներում ու բնակավայրերում գործող կամավորական հրշեջ-փրկարարական հենակետերին ավելացել է եւս երեքը՝ Գառնիում, Մեծ Պառնիում, Շիկահողում: Այս հարցում աջակցել են Հայկական կարմիր խաչն ու Միջազգային կարմիր խաչը: 2022-ին նոր հենակետեր կբացվեն: Հրշեջ-փրկարարական մեքենաներ են տրամադրվել Սյունիքի մարզի Շուռնուխ, Շիկահող, Կոռնիձոր համայնքներում գործող հրշեջ-փրկարարական եւ կամավորական հրշեջ-փրկարարական հենակետերին: 2022-ին Կոռիձորին կտրամադրվի եւս մեկ հրշեջ-փրկարարական մեքենա:
Երեւանում եւ մարզերում նորոգվել է 224 էլեկտրական շչակ, տեղադրվել 203 նոր շչակ: Այսպիսով՝ հանրապետությունում առկա 1003 էլեկտրաշչակից 961-ը սարքին են:
Ուսումնասիրվել են հանրապետության ապաստարաններն ու հակաճառագայթային թաքստոցները, արդյունքները ներկայացվել են Հայաստանի անվտանգության խորհրդին: Ուսումնասիրվել են նաեւ բազմաբնակարան շենքերի, մասնավոր տների եւ կազմակերպությունների նկուղները: Քաղաքաշինության կոմիտեին առաջարկվել է դպրոցների, մանկապարտեզների, հասարակական նշանակության շենք-շինությունների նախագծերում ներառել պաշտպանական բաղադրիչը: Որոշումն արդեն կա եւ այսուհետ նման կառույցների նախագծերը պետք է մշակվեն այնպես, որ նկուղներ ունակ լինեն ծառայել պաշտպանական նպատակների: Պաշտպանության նախարարության հետ համագործակցության միջոցով, զինված ուժերի տարբեր ստորաբաժանումներում անցկացվել են 1232 փրկարարի (բոլոր մարզերից) կրակային պատրաստության գործնական պարապմունքներ՝ մարտական հրաձգությամբ:
Արտակարգ դեպքերին որակյալ արձագանքում ապահովելու, դեպքի վայրում աշխատանքները ճիշտ կազմակերպելու նպատակով 2021 թվականին կազմակերպվել են 9 հրամանատարաշտաբային, 34 շտաբային, 14 ցուցադրական, 32 հատուկ տակտիկական ուսումնավարժություն, 3 դաշտային, 6 հակավթարային, հակահրդեհային վարժանք, 15 գործնական պարապմունք, 32 այլ դասընթաց: Բոլոր մարզերում անցկացվել են «Ազդարարում, տարհանում, պատսպարում» թեմայով 370 արտապլանային վարժանք եւ «Երկրաշարժի ժամանակ վարվելակերպի կանոնները», «Առաջին օգնություն» թեմաներով 194 արտապլանային դասընթաց:
2021-ին փրկարար ծառայությունը 11 անօդաչու թռչող սարքով է համալրվել, որոնցից չորսը կարող են օգտագոքրծվել հատուկ նշանակության փրկարարական աշխատանքներում: Փրկարար ծառայությունը համալրվել է նաեւ մեկ ջրային դրոնով, որը կարող է մինչեւ 150 մետր սուզվել ջրում: Ողջը՝ ԱԻՆ գործընկերների օգնությամբ: Այսօր Երեւանի եւ բոլոր մարզային փրկարարական վարչություններն ունեն ԱԹՍ-ներ, անձնակազմն ուսուցանված է: Սյունիքի փրկարարները ստացել են նաեւ յոթ միավոր ամենագնաց թեթեւ բեռնատար, մարդատար, հրշեջ-փրկարարական մեքենա: Լեհ գործընկերները մեզ նվիրել են ավելի քան 1400 անհատական մարտական համազգեստ (բայովկա), մեկ ԱԹՍ, երկու մեքենա: ՊՆ-ից, ԱԻՆ-ին են փոխանցվել 20 բեռնատար, հինգական հրշեջ մեքենա եւ դաշտային խոհանոց: Դաշտային խոհանոցները կտրամադրվեն հատուկ լեռնափրկարարական ծառայությանը: ԱՄՆ եվրոպական հրամանատարության աջակցությամբ, կառուցվել են նոր շենքեր Գյումրիի 2, Ախուրյանի՝ 1 հրշեջ-փրկարարական ջոկատների համար: Աշոցքի ջոկատի շենքի շինարարությունն ընթացքի մեջ է: 2022-ին շենքեր կկառուցվեն Ստեփանավանի, Բաղրամյանի փրկարարական ջոկատներ համար:
Ձմռանը Արագածոտնի, Շիրակի, Գեղարքունիքի, Վայոց ձորի, Սյունիքի հանրապետական նշանակության ճանապարհներին բացազատվել են փրկարարական ժամանակավոր հետակետեր՝ ձնաբքի պատճառով խցանման մեջ հայտված մեքենաներին արագ օգնության հասնելու նպատակով: 2021 թվականին այս հենակետերը սպասարկել են 155 կանչ, արգելափակումից հանվել է 403 մեքենա, անվտանգ տարածք է տեղափոխվել 831 մարդ:
«Սեյսմիկ պաշտպանության տարածքային ծառայությունը» հանրային իրազեկվածության եւ պատրաստվածության բարձրացման նպատակով «Սեյսմապաշտպանության վարքականոններ» թեմայով դասախոսություններ է կազմակերպել, որոնց մասնակցել է 18 255 աշակերտ, 2 149 մանկավարժ եւ աշխատակից, 25 դասախոս, 338 ուսանող, մանկապարտեզի 889 սան, 428 դաստիարակ, 39 ծնող, 60 մարզիկ, 7 մարզիչ:
ԱԻՆ «Ճգնաժամային կառավարման պետական ակադեմիայում» վերապատրաստվել են փրկարարներ, քաղաքացիական անձիք:
ՃԿՊԱ-ում, ուսանողների մասնակցությամբ, իրականացվում են դրոնների եւ ռոբոտների հավաքման աշխատանքներ:
Արամ ԶԱՔԱՐՅԱՆ
