Հանրապետության բոլոր մարզերում տեղացող ձյունը կրկին անակնկալի բերեց վարորդներին։ Ճանապարհներին արգելափակումներ են ու վթարներ։
Վատ եղանակով եւ ցածր տեսանելիությամբ պայմանավորված՝ Սյունիքի մարզի առաջին օգնության փրկարարական հենակետերը վերսկսել են աշխատանքը։ Մարտի 8-14-ը Աղվանիի հենակետն արգելափակումից դուրս է բերել 49, Վերին Խոտանանինը՝ 9, Գորայքինը՝ 70 մեքենա։ Աշխատանքներին ներգրավվել են մեծ քանակությամբ մարդկային ուժ ու տեխնիկա։
Անհրաժեշտությունից ելնելով՝ հնարավոր է՝ Վայոց ձորի փրկարարները հերթապահությունը շարունակեն Երեւան-Մեղրի միջպետական ճանապարհի 161-րդ կիլոմետրում։
Պատրաստեց Անի ԱՆՏՈՆՅԱՆԸ
Լուսանկարները տրամադրել են փրկարարները