Օգոստոսի 24-31-ը ՀՀ Արտակարգ իրավիճակների նախարարության փրկարար ծառայության Սեւանի հատուկ ջրափրկարարական ջոկատը Սեւանա լճի տարածքում արձագանքել է մեկ ահազանգի: Մասնավորապես՝ հանրային առաջին լողափից հայտնաբերվել եւ ափ է դուրս բերվել մեկ ջրահեղձվող քաղաքացի:
Շաբաթվա ընթացքում փրկարարներն արձագանքել են նաեւ արգելափակումից դուրս բերելու կանչի: «Լավանդա սիթի» տնակային ավանին հարակից ճահճային հատվածից դուրս է բերվել երկու քաղաքացի:
Հանրային լողափերում ջրափրկարարների հերթապահությունը շարունակվում է:
