Հուլիսի 16-22-ը ժամանակահատվածում ՀՀ արտակարգ իրավիճակների նախարարության փրկարար ծառայության բժշկական ապահովման վարչության աշխատակիցները 911 հեռախոսահամարով բժշկական խորհրդատվություն են տվել 74 քաղաքացու:
Շաբաթվա ընթացքում բուժկանխարգելման բաժին է դիմել 52 մարդ` 30 ծառայող, 17 ընտանիքի անդամ, 5 կենսաթոշակառու։ 29-ը ուղեգրվել են ստացիոնար բուժման։
Վարչության շտապ օգնության մեքենան կատարել է հինգ ելք: Շաբաթվա ընթացքում բժշկական ապահովման վարչության աշխատակիցները նախարարության տարբեր ստորաբաժանումների աշխատակիցների համար սեմինար են անցկացրել եւ խոսել կորոնավիրուսի դեմ պատվաստման, պատվաստանյութերին առնչվող հարցերից:
Շաբաթվա ընթացքում անցկացվել են տարբեր թեմաներով վարժանքներ: Վարչության աշխատակիցները կազմակերպել են միջոցառումների բժշկական ապահովումը:
