2023 թվականի դեկտեմբերի 14-20-ը ժամանակահատվածում Հայաստանի ներքին գործերի նախարարության «Սեյսմիկ պաշտպանության տարածքային ծառայության» սեյսմոլոգիական ցանցը Հայաստանի հանրապետության տարածքում 2-3 եւ ավելի բալ ուժգնությամբ երկրաշարժ չի գրանցել:
Իսկ տարածաշրջանում գրանցվել է 3 բալ եւ ավելի ուժգնությամբ 4 երկրաշարժ
- Դեկտեմբերի 14-ին Իրան՝ Խոյ քաղաքից 48 կմ հյուսիս-արեւելք՝ 5-6 բալ ուժգնությամբ։
- Դեկտեմբերի 16-ին Վրաստանում՝ Դմանիսի քաղաքից 12 կմ հյուսիս-արեւմուտք՝ 3-4 բալ ուժգնությամբ։
- Դեկտեմբերի 18-ին Իրան-Թուրքիա սահմանային գոտում՝ Մակու քաղաքից 46 կմ հարավ-արեւմուք՝ 4-5 բալ ուժգնությամբ։
- Դեկտեմբերի 19-ին Ադրբեջան՝ Շեքի քաղաքից 8 կմ հյուսիս՝ 4 բալ ուժգնությամբ։
Տարածաշրջանից դուրս
Գրանցվել է 6,0 եւ ավելի մագնիտուդով 2 երկրաշարժ: Դեկտեմբերի 15-ին 6,0 մագնիտուդով սեյսմիկ իրադարձություն է տեղի ունեցել Միջին Ատլանտյան լեռնաշղթաjի հարավային մասում: Դեկտեմբերի 20-ին Պերուի Արեկիպա քաղաքից 121 կմ դեպի հյուսիս-արեւմուտք տեղի է ունեցել երկրաշարժ, որն ունեցել է 6,2 մագնիտուդ: Երկրաշարժերի հետեւանքով զոհեր եւ ավերածություններ չկան:
Դեկտեմբերի 18-ին Չինաստանի Գանսու նահանգի Լանժոու քաղաքից 100 կմ դեպի հարավ-արեւմուտք տեղի ունեցած 5,9 մագնիտուդով երկրաշարժի հետեւանքով զոհվել է 135 մարդ, 980 մարդ ստացել տարբեր աստիճանի վնասվածքներ: Ավերվել է ավելի քան 15 000 տուն:
ՆԳՆ «Սեյսմիկ պաշտպանության տարածքային ծառայություն»
