ՀՀ արտակարգ իրավիճակների նախարարության «Ճգնաժամային կառավարման պետական ակադեմիայի» Ճգնաժամային կառավարման ամբիոնի դասախոս, մանկավարժական գիտությունների թեկնածու Ռուզաննա Ղարիբյանը այս տարվանից կզբաղվի նաեւ ակադեմիայի ուսանողների մասնագիտական կողմնորոշման եւ կարիերայի ուղղորդման հարցերով:
Մասնագիտական կողմնորոշման եւ կարիերայի ուղղորդման պատասխանատուի կարգավիճակում Ռուզաննա Ղարիբյանն ու ՃԿՊԱ բնական գիտությունների ամբիոնի մեթոդիստ Աննա Ասատրյանն արդեն մասնակցել են «ԴիջիԹեք 2022» համաժողովին եւ տեխնոլոգիական ցուցահանդեսին:
Մասնագիտական կողմնորոշման եւ կարիերայի ուղղորդման հարթությունում, ՃԿՊԱ-ն այս տարի նախատեսում է բազմաթիվ ծրագրեր. սեմինարների, աշխատաժողովների, քննարկումների, բաց դասերի, ցուցահանդեսների կազմակերպում, արհեստավարժ մասնագետների, հեղինակավոր անհատների, գործատուների հետ հանդիպումներ, հաջողված աշխատանքային կարիերա ունեցող շրջանավարտների ներգրավում ուսանողների կարիերայի պլանավորման գործընթացում եւ այլն: