Փրկարար ծառայության տնօրենի հրամաններով հաստատվել են փրկարար ծառայության Երեւանի եւ մարզային փրկարարական վարչությունների 2023 թվականի աշխատանքային պլանները: Ըստ այդ պլանների, կանցկացվեն հատուկ տակտիկական, ցուցադրական հատուկ տակտիկական, հրամանատարաշտաբային, շտաբային ուսումնավարժություններ, օբյեկտային վարժանքներ, փրկարարների մասնագիտական, շարային, ֆիզիկական պատրաստության, ինքնուրույն պատրաստության պարապմունքներ, արտակարգ իրավիճակների կանխարգելման եւ հետեւանքների վերացման, քաղաքացիական պաշտպանության միջոցառումներ եւ այլն: Երեւանի եւ բոլոր մարզերի կարեւորագույն եւ վտանգավոր օբյեկտներում կանցկացվեն հատուկ տակտիկական ուսումնավարժություններ:
Օրինակ՝ Արագածոտնում կանցկացվի «Ձնաբքերի պատճառով արգելափակված ճանապարհների մաքրում», Վայոց ձորում՝ «Անտառային հրդեհների հրդեհաշիջման կազմակերպում եւ իրականացում», Սյունիքում՝ «Տոլորսի ջրամբարի պատվարի փլուզման դեպքում բնակչության պաշտպանության միջոցառումների կազմակերպում եւ իրականացում», Լոռիում՝ «Ջրհեղեղների, հեղեղումների եւ սելավների դեպքում բնակչության պաշտպանության կազմակերպում եւ հետեւանքների վերացում» թեմայով ուսումնավարժություն եւ այլն:
