Հուլիսի 18-ից օգոստոսի 2-ն ընկած ժամանակահատվածում Արտակարգ իրավիճակների նախարարության փրկարար ծառայության հոգեբանական աջակցության բաժինն իրականացրել է հոգեբանական եւ հոգեֆիզիոլոգիական հետազոտություն, անհատական հոգեբանական խորհրդատվություն եւ «Զանգերի սպասարկման հոգեբանական առանձնահատկությունները թեմայով դասընթաց՝ ՓԾ ճգնաժամային կառավարման ազգային կենտրոնի, Երեւան քաղաքի փրկարարական վարչության ճգնաժամային կառավարման բաժնի եւ բոլոր մարզային փրկարարական վարչությունների ճգնաժամային կառավարման կենտրոնների զանգերի սպասարկում իրականացնող 92 աշխատակցի հետ:
Ծրագրի նպատակն էր անդրադառնալ զանգերի արդյունավետ սպասարկման հոգեբանական առանձնահատկություններին, մասնագետներին ծանոթացնել ինքնակարգավորման մեթոդներին եւ հմտություններին, որոնք կօգնեն պահպանել սթրեսակայունության եւ աշխատունակության բարձր մակարդակ։
Օգոստոս ամսվա ընթացքում նախատեսվում է եւս մեկ շրջան անցկացնել ծրագրին չմասնակցած աշխատակիցների համար:
Պատրաստեց Անի ԱՆՏՈՆՅԱՆԸ
