Հայաստանի հանրապետության պետական կառավարման համակարգի, տեղական ինքնակառավարման մարմինների ու կազմակերպությունների քաղաքացիական պաշտպանության վիճակի համալիր գնահատման 2022 թվականի ժամանակացույցի համաձայն, ՀՀ արտակարգ իրավիճակների նախարարության փրկարար ծառայության քաղաքացիական պաշտպանության եւ բնակչության պաշտպանության հարցերով կառավարական մարմինների, կազմակերպությունների գործունեության համակարգման բաժինը 2022 թվականի առաջին եռամսյակում գնահատել է մոտ մեկ տասնյակ կազմակերպություն՝ սննդամթերքի անվտանգության տեսչական մարմին եւ ենթակա կառույցներ, առողջապահության նախարարություն եւ ենթակա կառույցներ, միջուկային անվտանգության կարգավորման կոմիտե:
Քաղաքացիական պաշտպանության վիճակի համալիր գնահատումն իրականացվում է մի շարք ուղղություններով. ինժեներական պաշտպանություն, ճառագայթային եւ քիմիական պաշտպանություն, բժշկական պաշտպանություն, տարհանման միջոցառումների կազմակերպում, քաղաքացիական պաշտպանության կազմավորումների եւ ղեկավար կազմի պատրաստում-պատրաստվածություն, կառավարման, կապի եւ ազդարարման համակարգեր եւ այլն:
Արամ ԶԱՔԱՐՅԱՆ
