Տեղեկացրել ենք, որ նոյեմբերի 16-ից Արցախի հանրապետությունում են Ռուսաստանի դաշնության քաղաքացիական պաշտպանության, արտակարգ իրավիճակների եւ տարերային աղետների հետեւանքների վերացման նախարարության փրկարարները՝ խաղաղ բնակավայրերում ծավալվող շինարարության եւ ենթակառուցվածքների վերականգնմանն ուղղված ծրագրերում օգնելու նպատակով:
Դեկտեմբերի 14-ի դրությամբ, Ռուսաստանից ժամանած պիրոտեխնիկներն ականազերծել են ավելի քան 24 հետկար տարածք, հայտնաբերվել եւ Արցախի մարդասիրական ականազերծման կենտրոն է տեղափոխվել մոտ 950 պայթյունավտանգ առարկա:
Այս աշխատանքների մեծ մասը կատարվել է Ասկերանի շրջանի Այգեստան համայնքում, որտեղից հայտնաբերվել է ավելի քան 300 պայթյունավտանգ առարկա՝ ականներ, հակատանկային հրթիռներ եւ այլն: Սակրավոր-պիրոտեխնիկներին մշտապես ուղեկցում է բժիշկ-փրկարար, որը, անհրաժեշտության դեպքում կարող է օգնության հասնել թե փրկարարներին, թե բնակիչներին:
Առաջիկայում Արցախ կհասնի ռուսական մարդասիրական օգնության հերթական խմբաքանակը: Այս օգնության մի մասը նախատեսված է Արցախի արտակարգ իրավիճակների պետական ծառայության համար:
Կարդացեք նաեւ.
Ռուս փրկարարները շարունակում են Արցախի բնակֆոնդի եւ սոցիալական ենթակառուցվածքների ստուգումները
Ռուս փրկարարները Ստեփանակերտում անվտանգության մշակույթի դասեր կկազմակերպեն
Ռուս հոգեբան-փրկարարները Ասկերանում քաղաքացիների ընդունելություն են կազմակերպել
Արցախ է ժամանել ռուս փրկարարների նոր խումբ
Ռուս փրկարարները վերականգնում են Մարտակերտի բազմաբնակարան շենքերը
3 000 տաք ծածկոց եւ եւս 8 տոննա շինանյութ Արցախին
Ռուս փրկարարները վերականգնում են Արցախի դպրոցներն ու բուժհաստատությունները
Ռուսական օգնությամբ երկրորդ շարասյունն է հասել Արցախ
Ռուսաստանի փրկարարների աշխատանքներն Արցախում