Այսօր ՀՀ վարչապետ Նիկոլ Փաշինյանն արտակարգ իրավիճակների
նախարարության աշխատակազմին է ներկայացրել նորանշանակ նախարար Անդրանիկ Փիլոյանին: Նիկոլ Փաշինյանը շնորհակալություն է հայտնել նախկին նախարար Ֆելիքս Ցոլակյանին՝ կատարած աշխատանքի համար եւ նորանշանակ նախարար Անդրանիկ Փիլոյանին հաջողություններ մաղթել հետագա գործունեության մեջ:
Վարչապետի խոսքով, ԱԻ ոլորտը եւ աշխատանքի բնույթը նոր են Անդրանիկ Փիլոյանի համար, քանի որ նա ԱԻՆ է տեղափոխվում բանակից. «Բայց, ըստ էության, արտակարգ իրավիճակների նախարարությունը, փրկարար ծառայությունը նույնպես մեր Զինված ուժերի մասն են, եւ այդ առումով կարող ենք ասել, որ փոփոխությունն այդքան էլ մեծ չէ եւ նույնպիսի անելիքներ կան նաեւ արտակարգ իրավիճակների նախարարությունում»:
Առավել մանրամասն՝ այստեղ