Անցած տարվա դեկտեմբերից ՀՀ արտակարգ իրավիճակների նախարարության փրկարար ծառայության մարզային փրկարարական վարչությունները սկսեցին համայնքների բնակիչների ներգրավմամբ ուսումավարժություններ եւ գործնական պարապմունքներ անցկացնել:
Միջոցառումները շարունակվելու են նաեւ այս տարի: Հունվարի 27-ի դրությամբ արդեն մի շարք ուսումնավարժություններ են անցկացվել: Մասնավորաբար. Հունվարի 18-20-ը վարժանքներ են անցկացվել Սյունիքի մարզի Գորիս քաղաքի Վերին Շեն, Ակներ, Քարահունջ, Որոտան, Խնձորեսկ բնակավայրերում: Հունվարի 19-ին վարժանք է անցկացվել Սյունիքի մարզկենտրոն Կապանի Ճակատեն, Շիկահող, Սրաշեն, Ներքին Հանդ, Ծավ բնակավայրերում, հունվարի 20-ին՝ նույն քաղաքի Սյունիք, հունվարի 21-ին՝ Դավիթ-բեկ, Ագարակ, Եղվարդ, Ուժանիս, Վարդավանք բնակավայրերում: Հունվարի 20-ին եւ 21-ին վարժանքներ են անցկացվել նույն մարզի Սիսիան քաղաքի Շաղաթ, Անգեղակոթ, Մուծք, Բալաք բնակավայրերում:
Հունվարի 21-ին Լոռու մարզի Տաշիր քաղաքի Բլագոդարնոյե բնակավայրում անցկացվել է «Քաղաքացիական պաշտպանության միջոցառումների կազմակերպումն ու իրականացումը» թեմայով գործնական պարապմունք: Նույն օրը Շիրակի մարզի Նոր Կյանք համայնքում անցկացվել է բնակչության ազդարարման, տարհանման եւ պատսպարման թեմայով վարժանք:
Հունվարի 22-ին Արմավիրի մարզի Նոր Արտագերս համայնքում անցկացվել է «Օդային տագնապ» ազդանշանի դեպքում համայնքի բնակչության պատսպարման իրականացումը» թեմայով ուսումնավարժություն, իսկ Տավուշի Դիլիջան համայնքի Հովք բնակավայրում՝ «Բնակչության ազդարարման, պատսպարման եւ տարհանման աշխատանքների իրականացումը» թեմայով վարժանք:
Հունվարի 26-ին Շիրակի մարզի Փանիկ եւ Վայոց ձորի մարզի Չիվա համայնքներում անցկացվել են «Անձնակազմի գործողությունները «Օդային տագնապ ազդանշանի դեպքում», «Բնակչության գործողությունները «Օդային տագնապ ազդանշանի դեպքում» թեմաներով վարժանքներ:
Վարժանքներ են անցկացվել նաեւ այլ մարզերում: Առտավել մանրամասն՝ առաջիկայում: