Օգոստոսի 14-21-ն Արտակարգ իրավիճակների նախարարության փրկարար ծառայության բժշկական ապահովման վարչության աշխատակիցները 911 հեռախոսահամարով բժշկական խորհրդատվություն են տրամադրել 48 քաղաքացու:
Մեկ մեքենա Երեւանում իրականացրել է բնակչության ազդարարում՝ կորոնավիրուսի կանխարգելման եւ պաշտպանիչ միջոցների ճիշտ օգտագործման վերաբերյալ:
Առողջապահության նախարարության հիվանդությունների վերահսկման եւ կանխարգելման ազգային կենտրոնի աշխատակիցները թեստավորել են 16 փրկարար ծառայողի՝ COVID-19 հիվանդության հայտնաբերման նպատակով։
Շաբաթվա ընթացքում բուժկանխարգելման բաժին է դիմել 33 քաղաքացի՝ 8 ծառայող, ծառայողների 12 ընտանիքի անդամ, 13 կենսաթոշակառու։ Ստացիոնար բուժման է ուղեգրվել 27-ը։
Ռուսաստանի Դաշնության արտակարգ իրավիճակների նախարարության քաղաքացիական պաշտպանության ակադեմիա գործուղվող երկու փրկարար անցել է բուժզննում։