Արտակարգ իրավիճակների նախարարության փրկարար ծառայության հոգեբանական աջակցության բաժինն օգոստոսի 10-17-ը ստացել է 103 զանգ, որոնցից 94-ը՝ հոգեբանական աջակցության եւ ուղղորդման վերաբերյալ։ 94-ից 84-ը եղել է կորոնավիրուսով հնարավոր վարակվածության մասին։
Մյուս զանգերը եղել են հետեւյալ թեմաներով․ երեքը՝ միջանձնային բնույթի ահազանգի, երկուսը՝ ինքնասպանության փորձի, երկուսը՝ ինքնավնասման սպառնալիքի, երկուսը՝ երեխաների վերաբերյալ։
Այս ժամանակահատվածում հոգեբանները տուժածներին եւ նրանց հարազատներին դեպքի վայրում հոգեբանական աջակցություն ցուցաբերելու նպատակով իրականացրել են 4 ելք՝ ինքնասպանության փորձի, ինքնավնասման սպառնալիքի եւ երեխաների վերաբերյալ խորհրդատվության ահազանգերով։
Հոգեբանական աջակցության բաժին կապվելու համար գործում են 911, 060 712 444, 010 360 684 եւ Viber հավելվածի +374 41 911 006 հեռախոսահամարները, psychologist@mes.am էլեկտրոնային հասցեն։
