Միավորված ազգերի կազմակերպության մանկական հիմնադրամի՝ UNICEF, ծրագրերի տնօրեն Թեդ Չեյանը վստահ է, որ կլիմայական փոփոխությունները, բնբապահպանական արտակարգ իրավիճակները, եղանակային անոմալիաներն առաջին հերթին հարվածում են երեխաներին:
«Ճգնաժամի, այդ թվումէ եղանակային անոմալիաների ժամանակ երեխաները ամենախոցելի շերտն են: Հատկապես նորածինները, որոնք առավել հաճախ են վարակվում օդի աղտոտվածության հետեւանքով առաջացած վարակներով», — հայտարարել է Թեդ Չեյանը:
Վերջին տարիներին աճել է եղանակային անոմալիաների քանակը ողջ մոլորակում, ուստի պետությունների ղեկավարություններն ու միջազգային հանրությունը պետք է այս պայմաններում երեխաների իրավունքների պաշտպանության հստակ մեխանիզմներ մշակեն, վստահ են UNICEF-ի փորձագետները: Նրանք մի շարք ծրագրեր են մշակել, որոնք առնչվում են կրթությանը, առողջապահությանը,այլ ոլորտների: Ցանկացած երկիր կարող է օգտվել դրանցից:
