Նշանակությունը
Պետրոս Բեդիրյանի «Հայերեն դարձվածքների ընդարձակ բացատրական բառարանում» այս բարեմաղթանքի բացատությունը սա է՝ «Մինչև օր ծերություն անբաժան կյանք վարել» (էջ 230)։
Գրաբարում «բարձ»-ի իմաստներից մեկը՝ «Նստարան բարձր կամ պատուաւոր՝ ի կոչունսգ բազմոցգ գահ» (Նոր բառագիրք հայկազեան լեզուի)։
Ստեփանոս Օրբելյանը գրում է. «…Վաղարշակ թագավորը Բագրատունիներին առաջարկում է թագադիր լինել ու նրանց անվանում է ասպետներ, շնորհում է գրավել առաջնակարգ ԲԱՐՁ՝ բոլորից վերև» («Պատմութիւն տանն Սիսական» էջ 73)։
Այսպիսով, «Մի բարձի ծերանաք» արտահայտությունը նշանակում է «ՄԻ ԳԱՀԻ ԲԱԶՄԱԾ՝ ԾԵՐԱՆԱՔ»։ Իսկ ինչո՞ւ հատկապես «գահի»: Որովհետև հարսանիքի ծեսի ողջ ընթացքում փեսան կոչվում է «ԹԱԳԱՎՈՐ», իսկ հարսը՝ «ԹԱԳՈՒՀԻ»։
Տիգրան ՄԿՐՏՉՅԱՆ