ՀՀ Ներքին գործերի նախարարության «Սեյսմիկ պաշտպանության տարածքային ծառայություն» ՊՈԱԿ-ի բնակչության հետ տարվող աշխատանքների վարչությունը սեյսմիկ ռիսկի նվազեցման աշխատանքների շրջանակներում 2024 թվականին նախատեսում է իրականացնել ավելի քան 450 միջոցառում` Երեւանի եւ մարզերի ուսումնական հաստատություններում՝ սեյսմապաշտպանության վարքականոնների ուսուցում, ուսումնական տագնապ-վարժանքներ, խաղ վիկտորինաներ, սպորտային եւ շարժական խաղ վիկտորինաներ:
Սեյսմիկ պաշտպանության տարածքային ծառայության մասնագետների այցերի ընթացքում դպրոցներին տրամադրվում են դիդակտիկ նյութեր` սեյսմապաշտպանության վարքականոնների վերաբերյալ «Երկրաշարժ» պաստառներ, «Ներկիր ինքդ» գրքույկներ, «Կարգախոս» ուսումնական ձեռնարկ, այլ նյութեր:
Ծառայությունը նախատեսում է նաեւ ակտիվ համագործակցություն պետական գերատեսչությունների եւ տեղական ինքնակառավարման մարմինների հետ:
Մանրամասներին դեռ կանդրադառնանք: