2023 թվականի հունիսի 29-ից հուլիսի 5-ը ժամանակահատվածում Հայաստանի ներքին գործերի նախարարության «Սեյսմիկ պաշտպանության տարածքային ծառայության» սեյսմոլոգիական ցանցը Հայաստանի եւ Արցախի հանրապետությունների տարածքներում գրանցել է 2-3 եւ ավելի բալ ուժգնությամբ երկու երկրաշարժ:
- Հուլիսի 3-ին Հայաստան-Վրաստան սահմանային գոտում՝ Բավրա գյուղից 8 կմ հյուսիս-արեւելք՝ 3 բալ ուժգնությամբ։
- Հուլիսի 4-ին Հայաստան-Վրաստան սահմանային գոտում՝ Բավրա գյուղից 12 կմ հարավ-արեւելք՝ 3-4 բալ ուժգնությամբ, որը զգացվել է Շիրակի մարզի Բավրա, Ղազանչի, Թավշուտ գյուղերում՝ 2-3 բալ ուժգնությամբ։
Իսկ տարածաշրջանում գրանցվել է 3 բալ եւ ավելի ուժգնությամբ 4 երկրաշարժ
- Հունիսի 29-ին Ադրբեջանում՝ Շեքի քաղաքից 24 կմ հարավ-արեւելք՝ 3 բալ ուժգնությամբ։
- Հունիսի 30-ին Իրանում՝ Խոյ քաղաքից 31 կմ հարավ-արեւելք՝ 4 բալ ուժգնությամբ։
- Հուլիսի 2-ին Իրանում՝ Խոյ քաղաքից 6 կմ հարավ-արեւմուտք՝ 4-5 բալ ուժգնությամբ։
- Հուլիսի 4-ին Վրաստան-Հայաստան սահմանային գոտում՝ Բավրա գյուղից 11 կմ հյուսիս-արեւելք՝ 3-4 բալ ուժգնությամբ։
Տարածաշրջանից դուրս
Գրանցվել է 6,0 եւ ավելի մագնիտուդով 2 երկրաշարժ: Հուլիսի 1-ին 6,0 մագնիտուդով երկրաշարժ է գրանցվել Հնդկական օվկիանոսի հարավում: Հաջորդ օրը Տոնգայի Նուկուալոֆա մայրաքաղաքից 367 կմ դեպի հյուսիս տեղի է ունեցել երկրաշարժ, որն ունեցել է 6,9 մագնիտուդ: Երկրաշարժերի հետեւանքով զոհեր եւ ավերածություններ չկան:
ՆԳՆ «Սեյսմիկ պաշտպանության տարածքային ծառայություն»
