ՀՀ արտակարգ իրավիճակների նախարարության փրկարար ծառայության հոգեբանական աջակցության բաժինը 2022 թվականի հոկտեմբերի 31-ից նոյեմբերի 7-ը ժամանակահատվածում ստացել է 29 զանգ, որից 15-ը՝ հոգեբանական ուղղորդման եւ աջակցության վերաբերյալ:
Մնացած զանգերը եղել են հետեւյալ հարցերով. չորս զանգ՝ հոգեկան խանգարումներով քաղաքացիների, երեքական՝ ինքնավնասման սպառնալիքի եւ 44-օրյա պատերազմից տուժած քաղաքացիների, երկուական՝ ինքնասպանության փորձի եւ երեխաների վերաբերյալ:
Բոլոր դեպքերում ցուցաբերվել է համապատասխան աջակցություն։
Հոգեբանական աջակցության բաժին կապվելու համար գործում են 911, 060 712 444, 010 360 684 եւ Viber հավելվածի +374 41 911 006 հեռախոսահամարները, psychologist@mes.am էլեկտրոնային հասցեն։