Հունիսի 2-ին Արմավիրի մարզի Ակնալիճ գյուղում Արմավիրի մարզային փրկարարական վարչությունն անցկացրել է «Պատսպարման կազմակերպումը «Օդային տագնապ» ազդանշանի դեպքում» թեմայով վարժանք: Շչակի միջոցով ազդարարման արդյունքում կազմակերպվել է գյուղի դպրոցի աշխատակիցների եւ աշակերտների, բուժամբուլատորիայի եւ գյուղապետարանի աշխատակիցների պատսպարում:
Ուսումնավարժության ընթացքում գյուղի ղեկավարի հետ իրականացվել է բնակելի տների նկուղների պատրաստվածության վիճակի ուսումնասիրություն, տրվել են համապատասխան ցուցումներ եւ առաջարկություններ:
Ուսումնավարժության ընթացքում Արմավիրի ՄՓՎ Ճգնաժամային կառավարման կենտրոնի ավագ հրահանգիչ, փ/ծ մայոր Գ․ Ղուկասյանն ուսուցանվողներին ներկայացրել է «Օդային տագնապ» ազդանշանի դեպքում բնակչության պաշտպանության վարվելակերպի կանոնները։
Պատրաստեց Անի ԱՆՏՈՆՅԱՆԸ
Լուսանկարը տրամադրել է վարչությունը