Հուլիսի 9-ից Գեղարքունիքի մարզի Ծովինար գյուղում մեկնարկել էր պատանի երկրապահների ճամբարը: Մասնակցում էր մոտ 350 հոգի:
Մարտունու հրշեջ-փրկարարական ջոկատի հրամանատար, փ/ծ փոխգնդապետ Արթուր Ալեքսանյանի խոսքով՝ ուսուցողական ծրագրում ներառված էին նաեւ արտակարգ իրավիճակների թեմաներով տեսական ու գործնական պարապմունքներ: Ջոկատի հերթափոխի պետերն ու օղակի հրամանատարները երեք անգամ հանդիպել են ամեն հոսքի հետ, բացատրել հրդեհի, երկրաշարժի եւ այլ պատահարների ժամանակ վարվելակերպը, սովորեցրել առաջին օգնության հմտություններ:
Բացի դրանից՝ Սեւանա լճում ճամբարականների լողի ժամին փրկարարներն ապահովել են նրանց անվտանգությունը:
Արթուր Ալեքսանյանը նկատեց՝ երեխաները ոգեւորված էին մասնակցում դասերին, ակտիվ էին հատկապես աղջիկները:
Ճամբարը կփակվի օգոստոսի 23-ին:
Անի Անտոնյան
Լուսանկարները տրամադրել է հրամանատարը
