2023 թվականի դեկտեմբերի 21-27-ը ժամանակահատվածում Հայաստանի ներքին գործերի նախարարության «Սեյսմիկ պաշտպանության տարածքային ծառայության» սեյսմոլոգիական ցանցը Հայաստանի հանրապետության տարածքում 2-3 եւ ավելի բալ ուժգնությամբ երկրաշարժ չի գրանցել:
Իսկ տարածաշրջանում գրանցվել է 3 բալ եւ ավելի ուժգնությամբ 3 երկրաշարժ
- Դեկտեմբերի 23-ին Իրանում՝ Թավրիզ քաղաքից 33 կմ հյուսիս-արեւելք՝ 6 բալ ուժգնությամբ, որը զգացվել է ՀՀ տարածքում՝ Սյունիքի մարզի մի շարք բնակավայրերում՝ 2-3 բալ ուժգնությամբ։
- Դեկտեմբերի 24-ին Թուրքիայում՝ Դողուբայազեթ քաղաքից 19 կմ հյուսիս-արեւելք՝ 3 բալ ուժգնությամբ։
- Դեկտեմբերի 27-ին Վրաստանում՝ Գորի քաղաքից 15 կմ հարավ-արեւմուտք՝ 3 բալ ուժգնությամբ։
Տարածաշրջանից դուրս
Գրանցվել է 6,0 եւ ավելի մագնիտուդով 2 երկրաշարժ: Դեկտեմբերի 21-ին եւ 22-ին 6,1 մագնիտուդով սեյսմիկ իրադարձություններ են տեղի ունեցել համապատասխանաբար Ալեուտյան կղզիների եւ Աֆրիկայից հարավ ընկած տարածքներում: Երկրաշարժերի հետեւանքով զոհեր եւ ավերածություններ չկան:
ՆԳՆ «Սեյսմիկ պաշտպանության տարածքային ծառայություն»
