Հունիսի 19-25-ը Արտակարգ իրավիճակների նախարարության Սեյսմիկ պաշտպանության տարածքային ծառայության սեյսմոլոգիական ցանցը Հայաստանի եւ Արցախի հանրապետությունների տարածքներում 3 բալ եւ ավել ուժգնությամբ երկրաշարժ չի գրանցել։
Իսկ տարածաշրջանում գրանցվել է 3 բալ եւ ավել ուժգնությամբ 4 երկրաշարժ.
Հունիսի 18-ին Թուրքիայում՝ Վան քաղաքից 13 կմ հյուսիս-արեւելք, 3-4 բալ ուժգնությամբ։
Հունիսի 19-ին Իրանում՝ Խոյ քաղաքից 17 կմ հարավ-արեւելք, 3 բալ ուժգնությամբ։
Հունիսի 24-ին Իրանում՝ Ահար քաղաքից 24 կմ հյուսիս-արեւմուտք, 3 բալ ուժգնությամբ եւ Ադրբեջանում՝ Բարդա քաղաքից 66 կմ հյուսիս-արեւելք, 3 բալ ուժգնությամբ։
Տարածաշրջանից դուրս
Գրանցվել է 6 եւ ավելի մագնիտուդով գրանցվել է վեց երկրաշարժ, վեցն էլ` Խաղաղ օվկիանոսի ավազանում: Առաջին երկուսը տեղի են ունեցել հունիսի 19-ին եւ 21-ին համապատասխանաբար 6,5 եւ 6,2 մագնիտուդերով Նոր Զելանդիայի Կերմադեկ կղզու տարածքում: Հունիսի 19-ին եւ 24-ին 6,3 եւ 6,1 մագնիտուդերով երկրաշարժեր են գրանցվել Ինդոնեզիայի Աբերպուրա քաղաքից 246 կմ շառավղով սահմանափակված տարածքում, որոնց հետեւել են 5 եւ ավելի մագնիտուդով 10 երկրաշարժ: Հունիսի 24-ին եւս մեկ ուժեղ երկրաշարժ է գրանցվել Ինդոնեզիայում (Բանդա ծով)` Ամբոն կղզուց 321 կմ դեպի հարավ, եւ ունեցել է 7,3 մագնիտուդ: Հաջորդ օրը 6.3 մագնիտուդով երկրաշարժ է տեղի ունեցել Կոմանդորյան կղզիների տարածքում: Երկրաշարժերի հետեւանքով զոհեր եւ ավերածություններ չկան:
ՀՀ ԱԻՆ «Սեյսմիկ պաշտպանության տարածքային ծառայություն»
