ՀՀ ներքին գործերի նախարարությունը հանրային քննարկման է ներկայացրել «Աղետների ռիսկի կառավարման 2023-2030 թվականների ռազմավարությունը եւ 2023-2026 թվականների գործողությունների ծրագիրը հաստատելու մասին» Հայաստանի հանրապետության կառավարության որոշման նախագիծը:
Նախագիծն ընդգրկում է ԱՌԿ պետական քաղաքականության շրջանակ. աղետների ռիսկի նվազեցում, պատրաստվածության բարձրացում, արտակարգ իրավիճակներին արձագանքմանն ու հետաղետային վերականգնմանն ուղղված գործընթացներ եւ այլն:
Նախագիծը որդեգրել է բնական, տեխնոլոգիական եւ կենսաբանական ռիսկերի կառավարման ուղղությամբ առկա խնդիրներին եւ դրանց խորքային պատճառներին առավել համալիր եւ աղետների ռիսկի գիտակցումով պայմանավորված դիմակայուն զարգացում ապահովելու մարդակենտրոն մոտեցում:
Նախագծով առաջարկվող միջոցառումների կեսը «Վտանգի կանխում եւ կանխարգելում» հարթությունում են, 38 տոկոսը՝ «Պատրաստվածություն» եւ 12 տոկոսը՝ «Արձագանքում եւ հետաղետային վերականգնում» հարթությունում:
Նախագծով սահմանված է 5 գերակա ուղղություն.
- ԱՌԿ համակարգի գործառութային եւ մեթոդաբանական հիմքերի բարելավում,
- ԱՌԿ տեխնոլոգիահենք համակարգի շարունակական բարելավում,
- Մարդկային ռեսուրսների զարգացմանն ուղղված գործողություններ,
- Անվտանգության մշակույթի ամրապնդում,
- ԱՌԿ ոլորտում ներդրումային ծրագրերի իրականացման հնարավորությունների ընդլայնում եւ պետություն-մասնավոր հատված համագործակցության նոր մեխանիզմների մշակում:
Առավել մանրամասն՝ այստեղ:
