ՀՀ արտակարգ իրավիճակների նախարարության փրկարար ծառայության հոգեբանական աջակցության բաժինը 2022 թվականի հունվարի 3-10-ը ժամանակահատվածում ստացել է 16 զանգ, որից 9-ը՝ հոգեբանական ուղղորդման եւ աջակցության վերաբերյալ:
Մնացած զանգերը եղել են հետեւյալ հարցերով. երկուական՝ հոգեկան խանգարումներով քաղաքացիների եւ ինքնասպանության փորձի, մեկական՝ երեխաներին առնչվող հարցերի, միջանձնային բնույթի խնդրի, ալկոհոլային կախվածություն ունեցող քաղաքացու վերաբերյալ:
Բոլոր դեպքերում ցուցաբերվել է համապատասխան աջակցություն։
Հոգեբանական աջակցության բաժին կապվելու համար գործում են 911, 060 712 444, 010 360 684 եւ Viber հավելվածի +374 41 911 006 հեռախոսահամարները, psychologist@mes.am էլեկտրոնային հասցեն։