2021 թվականի մայիսի 27-ից հունիսի 2-ը ժամանակահատվածում Հայաստանի արտակարգ իրավիճակների նախարարության Սեյսմիկ պաշտպանության տարածքային ծառայության սեյսմոլոգիական ցանցը Հայաստանի եւ Արցախի հանրապետություննների տարածքներում գրանցել է 2-3 բալ եւ ավելի ուժգնությամբ մեկ երկրաշարժ. մայիսի 31-ին Հայաստանում՝ Շորժա գյուղից 8 կմ արեւելք՝ 2-3 բալ ուժգնությամբ։
Իսկ տարածաշրջանում գրանցվել է 3 բալ եւ ավելի ուժգնությամբ երեք երկրաշարժ
- Մայիսի 27-ին Իրանում՝ Մակու քաղաքից 30 կմ հյուսիս-արեւելք՝ 4 բալ ուժգնությամբ եւ Վրաստան-Հայաստան սահմանային գոտում՝ Դմանիսի քաղաքից 28 կմ հարավ-արեւմուտք՝ 3 բալ ուժգնությամբ։
- Մայիսի 28-ին Վրաստան-Հայաստան սահմանային գոտում՝ Դմանիսի քաղաքից 27 կմ հարավ-արեւմուտք՝ 3 բալ ուժգնությամբ
Տարածաշրջանից դուրս
Գրանցվել է 6,0 եւ ավելի մագնիտուդով մեկ երկրաշարժ. մայիսի 31-ին 6,1 մագնիտուդով Ամերիկայի Միացյալ Նահանգների Ալյասկա նահանգի Անքորիջ քաղաքից 165 կմ հյուսիս-արևելք: Երկրաշարժի հետևանքով զոհեր և ավերածություններ չկան:
ՀՀ ԱԻՆ «Սեյսմիկ պաշտպանության տարածքային ծառայություն»