Տարբեր հաստատություններում եւ օբյեկտներում շարունակվում են ուսումնական վարժանքները։
Օրերս Բերդ համայնքի Մովսեսի, Նավուրի, Ներքին Կարմիրաղբյուրի, Չինարիի եւ Չորաթանի միջնակարգ դպրոցներում Տավուշի մարզային փրկարարական վարչության Տաուշի հրշեջ-փրկարարական ջոկատի ծառայողները անցկացրել են արտակարգ իրավիճակների, քաղաքացիական պաշտպանության եւ առաջին օգնության հիմնահարցերով դասընթացներ։
Մայիսի 26-ին Տավուշի մարզպետարանում իրականացվել է «Բնակչության պաշտպանության միջոցառումների իրականացումը ուժեղ երկրաշարժի դեպքում» թեմայով շտաբային ուսումնավարժություն։ Մասնակցել են մարզային փրկարարական վարչության, ոստիկանության եւ այլ կառույցների ներկայացուցիչներ։
Պատրաստեց Անի ԱՆՏՈՆՅԱՆԸ
Լուսանկարները տրամադրել են փրկարարները