Հայաստանում միակն իր տեսակի մեջ ՀՀ արտակարգ իրավիճակների նախարարության ճգնաժամային կառավարման պետական ակադեմիայում 2021 թվականի հունիսի մեկից սկսվել է 2021-2022 ուսումնական տարվա ընդունելությունը: Ակադեմիան իրականացնում է առկա ու հեռակա ուսուցում միջին մասնագիտական, բակալավրի, մագիստրոսի կրթական ծրագրերով: Միջին մասնագիտական կրթական ծրագրով գերազանց եւ լավ գնահատականներով շրջանավարտները կարող են առանց ընդունելության քննությունների ուսումը շարունակել ճգնաժամային կառավարման պետական ակադեմիայի բակալավրի կրթական ծրագրով հեռակա ուսուցմամբ 2-րդ կուրսում: Ակադեմիան ուսուցում է իրականացնում նաեւ Ստեփանավան քաղաքում:
Բակալավրի կրթական ծրագրում առկա ուսուցմամբ «Հրդեհային պաշտպանություն» եւ «Փրկարարական գործ» մասնագիտությունների ուսուցումն անվճար է, մյուս բոլոր դեպքերում՝ վճարովի: Միջին մասնագիտական կրթական ծրագրում բոլոր մասնագիտությունների ուսուցումն անվճար է:
Առավել մանրամասն՝ այստեղ
