2020 թվականին Հայաստանի հանրապետության Գեղարքունիքի մարզում գրանցվել է` 551 արտակարգ դեպք, որոնց հետեւանքով զոհվել է 35, մարմնական վնասվածքներ ստացել 126 մարդ: 281 տեխնածին դեպքերից 172-ը եղել է հրդեհ։
Մարզի 6 համայնքում՝ Սեւան, Ծովակ, Ճամբարակ, Չկալովկա, Ծակքար եւ Սարուխան, փրկարարները մասնակցել են արտակարգ իրավիճակներում բնակչության պաշտպանության թեմաներով շտաբային ուսումնավարժությունների: Նոր կորոնավիրուսի համաճարակով պայմանավորված՝ մարզում կատարվել է բնակչության իրազեկում, 1217 անգամ իրականացվել են վարակազերծման աշխատանքներ։
Պատերազմական դրությամբ պայմանավորված՝ Գեղարքունիքի մարզում ստեղծվել է քաղաքացիական պաշտպանության շտաբ: Կատարվել է մարզի պաշտպանական կառույցների պահպանության վիճակի ուսումնասիրում, բոլորն էլ կարիք ունեն վերանորոգման եւ կահավորման: Աշխատանքներ են տարվել մարզի բնակչությանը պաշտպանական կառույցներին ամրագրման հաշվարկների ճշգրտման ուղղությամբ: Մարզում կա 10 քաղաքացիական պաշտպանության ծառայություն եւ 690 քաղաքացիական պաշտպանության կազմավորում՝ 3227 մարդ անձնակազմով: Վարչության տարբեր ստորաբաժանումներից ծառայողներ են կամավորագրվել Արտակարգ իրավիճակների նախարարության կամավորական գումարտակին եւ ռազմական գործողություններին:
Մարզի համայնքներում տեղադրվել է 42 հիդրանտ: Վերանորոգվել են Գավառի, Վարդենիսի եւ Ճամբարակի հրշեջ-փրկարարական ջոկատների վարչական շենքերը, Գավառի եւ Մարտունու ՀՓՋ-ներում կառուցվել են մեկական ավտոտնակ: Ամերիկյան ծրագրով հաստատվել է հատուկ ջրափրկարարական ջոկատի նոր համալիրի կառուցման ֆինանսավորումը:
Պատրաստեց Անի ԱՆՏՈՆՅԱՆԸ
Հ.Գ. Կարդացեք նաեւ.
Կոտայքի Գառնի եւ Ծաղկաձոր համայնքներում կստեղծվեն նոր հրշեջ-հենակետեր
Երեւանի տասնյակ ուսումնական հաստատություններում ստեղծվել են փրկարարական կազմավորումներ
Վայոց ձորի մարզում համալրվում է ազդարարման համակարգը
Շիրակի փրկարարները ստացել են նոր հրշեջ-մեքենաներ, հրդեհաշիջման գործիքներ եւ պարագաներ
Լոռու մարզում հիմնովին վերանորոգվել է 3 հրշեջ-փրկարարական ջոկատ
Արմավիրի մարզում կբացվի նոր հրշեջ-փրկարարական հենակետ