«Աղետների ռիսկի նվազեցման ազգային պլատֆորմ» (ԱՌՆԱՊ) հիմնադրամը 10 տարեկան է՝ ստեղծվել է դեկտեմբերի 2-ին Հայաստանի կառավարության N 1694-Ն որոշումով՝ նպատակ ունենալով հզորացնել երկրի աղետների ռիսկի նվազեցման համակարգը:
Տարիների ընթացքում սերտ համագործակցություն է հաստատվել Արտակարգ իրավիճակների նախարարության եւ ԱՌՆԱՊ հիմնադրամի միջեւ։ Համատեղ ջանքերով իրականացվել եւ իրականացվում են մի շարք ծրագրեր: Ներկայացնում ենք դրանց մի մասը՝
• «Հիվանդանոցների անվտանգություն եւ արտակարգ իրավիճակներին արձագանքնելու պատրաստվածություն» ծրագիր
• Պոչամբարների անվտանգության բարձրացմանն ուղղված «Աղետների ռիսկի նվազեցման դաշինք» (ALTER) ծրագիր
• Խոշորացված համայնքներում աղետների ռիսկի կառավարման պլանների մշակում
• «Աղետների ռիսկի կառավարման եւ բնակչության պաշտպանության մասին» օրենքի նախագծի մշակում
Գիտական ոլորտում ԱՌՆԱՊ հիմնադրամը կարեւորում է համատեղ աշխատանքը ՀՀ ԱԻՆ Ճգնաժամային կառավարման պետական ակադեմիայի հետ։ Այստեղ էլ ծրագրերը բազմազան են.
• Աղետների ռիսկի կառավարման եւ արտակարգ իրավիճակներում ազդարարման ու արձագանքման գործընթացներում անօդաչու թռչող սարքերի (ԱԹՍ) կիրառման հնարավորությունների հետազոտություն
• Բնապահպանական արտակարգ իրավիճակների թեմայով վերապատրաստում
• «Անվտանգ օգնություն» թեմայով վերապատրաստում
• Համայնքների դիմակայունության բարձրացման ուղղված ծրագիր
• «Անվտանգ ուսումնառության միջավայր երեխաների համար եւ դեռահասների մասնակցությունը» ծրագիր
Շնորհավորում ենք մեր գործընկերներին եւ մաղթում հաջողություն։
Անի ԱՆՏՈՆՅԱՆ
