ՀՀ արտակարգ իրավիճակների նախարարության փրկարար ծառայության հոգեբանական աջակցության բաժինը հունիսի 29-ից հուլիսի 6-ը ստացել է 210 զանգ, որից 203-ը՝ հոգեբանական աջակցության եւ ուղղորդման վերաբերյալ: Այս 203-ից 159-ը եղել են կորոնավիրուսով հնարավոր վարակվածության մասին զանգեր:
Մնացած զանգերը եղել են հետեւյալ հարցերով. երեքը՝ հոգեկան խանգարումներով քաղաքացիների, երկուսը՝ ինքնավնասման սպառնալիքի, մեկական՝ ալկոհոլիզմով տառապող քաղաքացու եւ միջանձնային բնույթի խնդրի վերաբերյալ:
Բոլոր դեպքերում ցուցաբերվել է համապատասխան աջակցություն։
Նշված ժամանակահատվածում հոգեբանական աջակցության բաժնի աշխատակիցները տուժածներին եւ նրանց հարազատներին տեղում՝ դեպքի վայրում, հոգեբանական աջակցություն ցուցաբերելու նպատակով իրականացրել են մեկ ելք՝ հոգեբանական ուղղորդման վերաբերյալ ահազանգով:
Հոգեբանական աջակցության բաժին կապվելու համար գործում են 911, 060 712 444, 010 360 684 եւ Viber հավելվածի +374 41 911 006 հեռախոսահամարները, psychologist@mes.am էլեկտրոնային հասցեն։
