Արտակարգ իրավիճակների նախարարության փրկարար ծառայության հոգեբանական աջակցության բաժինը հունիսի 22-29-ը ստացել է 234 ահազանգ, որից 225-ը՝ հոգեբանական աջակցության եւ ուղղորդման վերաբերյալ։ 225-ից 210 ահազանգը եղել է կորոնավիրուսով հնարավոր վարակվածության մասին։
Մնացած դեպքերը եղել են հետեւյալ հարցերով․ 3-ը՝ ինքնասպանության փորձի, 2-ը՝ հոգեկան խանգարումներով քաղաքացիների, 2-ը՝ ինքնավնասման սպառնալիքի, 1-ը՝ միջանձնային բնույթի ահազանգի, 1-ը՝ երեխաների խորհրդատվության վերաբերյալ:
Նշված ժամանակահատվածում հոգեբանական աջակցության բաժնի աշխատակիցները տուժածներին եւ նրանց հարազատներին տեղում՝ դեպքի վայրում հոգեբանական աջակցություն ցուցաբերելու նպատակով իրականացրել են 1 ելք՝ ինքնասպանության փորձի ահազանգով:
Հոգեբանական աջակցության բաժին կապվելու համար գործում են 911, 060 712 444, 010 360 684 եւ Viber հավելվածի +374 41 911 006 հեռախոսահամարները, psychologist@mes.am էլեկտրոնային հասցեն։