ՀՀ արտակարգ իրավիճակների նախարարության փրկարար ծառայության հոգեբանական աջակցության բաժինը հունիսի 15-22-ը ստացել է 405 զանգ, որից 393-ը՝ հոգեբանական աջակցության եւ ուղղորդման վերաբերյալ: Այս 393-ից 382-ը եղել են կորոնավիրուսով հնարավոր վարակվածության մասին զանգեր:
Մնացած զանգերը եղել են հետեւյալ հարցերով. չորսական՝ ինքնասպանության փորձի, հոգեկան խանգարումներով քաղաքացիների, ինքնավնասման սպառնալիքի վերաբերյալ:
Բոլոր դեպքերում ցուցաբերվել է համապատասխան աջակցություն։
Նշված ժամանակահատվածում հոգեբանական աջակցության բաժնի աշխատակիցները տուժածներին եւ նրանց հարազատներին տեղում՝ դեպքի վայրում, հոգեբանական աջակցություն ցուցաբերելու նպատակով իրականացրել են 5 ելք՝ 3-ը՝ ինքնասպանության փորձի ահազանգով, մեկական՝ ինքնավնասման սպառնալիքի եւ հոգեբանական աջակցության վերաբերյալ:
Հոգեբանական աջակցության բաժին կապվելու համար գործում են 911, 060 712 444, 010 360 684 եւ Viber հավելվածի +374 41 911 006 հեռախոսահամարները, psychologist@mes.am էլեկտրոնային հասցեն։
