ՀՀ արտակարգ իրավիճակների նախարարության փրկարար ծառայության հոգեբանական աջակցության բաժինը հունիսի 8-15-ը ստացել է 504 զանգ, որից 491-ը՝ հոգեբանական աջակցության եւ ուղղորդման վերաբերյալ: Այս 491-ից 483-ը եղել են կորոնավիրուսով հնարավոր վարակվածության մասին զանգեր:
Մնացած զանգերը եղել են հետեւյալ հարցերով. 5-ը՝ ինքնասպանության փորձի, 3-ը՝ միջանձնային բնույթի խնդիրների, 2-ը՝ հոգեկան խանգարումներով քաղաքացիների, մեկական՝ ինքնավնասման սպառնալիքի, բռնության, հրդեհի վերաբերյալ:
Բոլոր դեպքերում ցուցաբերվել է համապատասխան աջակցություն։
Նշված ժամանակահատվածում հոգեբանական աջակցության բաժնի աշխատակիցները տուժածներին եւ նրանց հարազատներին տեղում՝ դեպքի վայրում հոգեբանական աջակցություն ցուցաբերելու նպատակով իրականացրել են 4 ելք՝ 3-ը՝ ինքնասպանության փորձի վերաբերյալ, մեկը՝ հրդեհի:
Հոգեբանական աջակցության բաժին կապվելու համար գործում են 911, 060 712 444, 010 360 684 եւ Viber հավելվածի +374 41 911 006 հեռախոսահամարները, psychologist@mes.am էլեկտրոնային հասցեն։
