Մայիսի 27-ից հունիսի 5-ը Արտակարգ իրավիճակների նախարարության փրկարար ծառայության բժշկական ապահովման վարչության ծառայողները 911 հեռախոսահամարով բժշկական խորհրդատվություն են տվել 286 քաղաքացու: Երկրում կորոնավիրուսի համավարակի սրման պատճառով վարչության երկու մեքենա Երեւանում իրականացրել է բնակչության ազդարարում՝ հիվանդության կանխարգելման եւ պաշտպանիչ միջոցների ճիշտ օգտագործման վերաբերյալ:
Շաբաթվա ընթացքում բուժկանխարգելման բաժին է դիմել 27 քաղաքացի, որոնցից 21-ն ուղեգրվել է ստացիոնար բուժման։
10 փրկարար ծառայող Առողջապահության նախարարության Հիվանդությունների վերահսկման եւ կանխարգելման ազգային կենտրոնի մասնաճյուղում անցել են COVID-19 թեստավորում :
