Ապրիլի 16-22-ը արտակարգ իրավիճակների նախարարության սեյսմիկ պաշտպանության տարածքային ծառայության սեյսմոլոգիական ցանցը Հայաստանի եւ Արցախի հանրապետությունների տարածքներում 2-3 բալ եւ ավելի ուժգնությամբ երկրաշարժ չի գրանցվել։
Իսկ տարածաշրջանում գրանցվել է 3 բալ եւ ավելի ուժգնությամբ մեկ երկրաշարժ
Ապրիլի 16-ին Իրանում՝ Թասուջ քաղաքից 19 կմ հյուսիս-արեւմուտք 3 բալ ուժգնությամբ։
Տարածաշրջանից դուրս
Գրանցվել է 6,0 եւ ավելի մագնիտուդով գրանցվել է երեք երկրաշարժ: Ապրիլի 16-ին 6,0 մագնիտուդով երկրաշարժ է տեղի ունեցել Կարիբյան ծովում՝ Հոնդուրասի Ռոատան կղզուց 111 կմ դեպի հյուսիս-արեւելք։ Ապրիլի 18-ին 6,6 մագնիտուդով սեյսմիկ իրադարձություն է գրանցվել Ճապոնիայում՝ Բոնին կղզեխմբի տարածքում: Հաջորդ օրը եւս մեկ ուժեղ երկրաշարժ է գրանցվել Ճապոնիայում՝ Հոնսյու կղզու Իվատե պրեֆեկտուրայի Օֆունատո քաղաքից 25 կմ դեպի հարավ-արեւելք, որն ունեցել է 6,4 մագնիտուդ: Երկրաշարժերի հետեւանքով զոհեր եւ ավերածություններ չկան:
ՀՀ ԱԻՆ «Սեյսմիկ պաշտպանության տարածքային ծառայություն»
