Ամանորյա տոնական միջոցառումների անվտանգությունն ապահովելու նպատակով Արտակարգ իրավիճակների նախարարության Փրկարար ծառայության Երեւանի փրկարարական վարչության ստորաբաժանումները դեկտեմբերի 21-ից մինչեւ հունվարի 14-ը կիրականացնեն ուժեղացված շուրջօրյա հերթապահություն:
Մասնավորապես՝
- Դեկտեմբերի 21-ին ժամը 18։00-ից եւ դեկտեմբերի 31-ին ժամը 21։30-ից՝ մեկական մարտական հաշվարկ կհերթապահի ԵՓՎ Կենտրոն բաժնի թիվ 8, Արաբկիր բաժնի թիվ 5 հրշեջ-փրկարարական ջոկատներից եւ Հատուկ հրշեջ ջոկատից։
- Դեկտեմբերի 21-ին ժամը 18։00-ից մինչեւ դեկտեմբերի 24-ը ժամը 09։00-ը՝ մեկ մարտական հաշվարկ Կենտրոն բաժնի թիվ 8 ՀՓՋ-ից,
- Դեկտեմբերի 25-ին ժամը 09։00-ից մինչեւ դեկտեմբերի 28-ը ժամը 09։00-ը՝ մեկ մարտական հաշվարկ Էրեբունի բաժնի թիվ 3 ՀՓՋ-ից
- Դեկտեմբերի 29-ին ժամը 09։00-ից մինչեւ հունվարի 1-ը ժամը 09։00-ը՝ մեկ մարտական հաշվարկ Շենգավիթ բաժնի թիվ 2 ՀՓՋ-ից
- Հունվարի 2-ին ժամը 09։00-ից մինչեւ հունվարի 5-ը ժամը 09։00-ը՝ մեկ մարտական հաշվարկ Մալաթիա-Սեբաստիա բաժնի թիվ 4 ՀՓՋ-ից
- Հունվարի 6-ին ժամը 09։00-ից մինչեւ հունվարի 9-ը ժամը 09։00-ը՝ մեկ մարտական հաշվարկ Արաբկիր բաժնի թիվ 5 ՀՓՋ-ից
- Հունվարի 10-ին ժամը 09։00-ից մինչեւ հունվարի 14-ը ժամը 09։00-ը՝ մեկ մարտական հաշվարկ Աջափնյակ բաժնի թիվ 7 ՀՓՋ-ից։
Ամանորի գիշերը հրավառություն է նախատեսվում Հանրապետության հրապարակին կից «Կոնվերս բանկի» եւ «Արմենիա Մարիոթ» հյուրանոցի տանիքներից, ինչպես նաեւ Ստեփան Շահումյանի անվան պուրակում։ Շահումյանի հրապարակում «Կամար» բիզնես-կենտրոնի եւ Կառավարության 2-րդ շենքի տանիքներից փրկարար ծառայողները կրակմարիչներով կապահովեն հրավառության անվտանգությունը։
Բացի դրանից՝ Երեւանի 2750-ամյակին նվիրված այգու շատրվաններին հարակից տարածքում՝ փայտե առեւտրի տաղավարների դիմաց, տեղադրվել է 300 խոտի հակ՝ գյուղական կոլորիտ ստեղծելու նպատակով։ Փրկարարական վարչությունը տնակների աշխատակիցներին տրամադրել է կրակմարիչներ եւ սահմանել մարտական հերթապահություն։
