Օրերս ՀՀ ԱԻՆ փրկարար ծառայության քաղաքացիական պաշտպանության վարչության աշխատանքային խումբը Սյունիքի մարզում էր:
ԱԻՆ մասնագետները քաղաքացիական պաշտպանության ոլորտում մեթոդական օժանդակություն են ցուցաբերել Սյունիքի մարզպետարանի աշխատակիցներին, Կապան, Գորիս, Սիսիան, Քաջարան, Մեղրի, Գորայք, Տաթեւ եւ Տեղ համայնքներին:
Հանդիպումների ընթացքում քննարկվել են Քաղաքացիական պաշտպանության, խաղաղից պատերազմական ժամանակաշրջանի փոխադրման, տարհանման պլանները, ոլորտը կարգավորող այլ փաստաթղթեր, տարհանման մարմինների եւ գործունեության կայունության բարձրացման հանձնաժողովների գործունեությունը:
Միջոցառման մասնակիցները միակարծիք էին այն հարցում, որ բնակավայրերին անհրաժեշտ է վերը նշված պլաններից տրամադրել քաղվածքներ, ինչը թույլ կտա քաղպաշտպանության ոլորտում նրանց գործունեությունը դարձնել ավելի արդյունավետ:
Քննարկումներից հետո՝ Մայիսի 24-ին անցկացվել է շտաբային ուսումնավարժություն «ՀՀ ԱԻՆ ՓԾ Սյունիքի ՄՓՎ զորահավաքային ծավալման կազմակերպումը եւ իրականացումը» թեմայով: Ուսումնավարժության ընթացքում ծավալվել են անձնակազմի եւ տեխնիկայի ընդունման կետերը:
