Երեւանի փրկարարական վարչության «Նաիրիտ» գործարանի պահպանության հատուկ հրշեջ ջոկատի եւ Շենգավիթ բաժնի թիվ 6 հրշեջ-փրկարարական ջոկատի տարածքներում, այսօր եւ վաղը՝ Ապրիլի 29-ին եւ 30-ին, անցկացվում է զինված ուժերի հաստիքային հրշեջ խմբերի հրշեջ-կիրառական մարզաձեւերի մրցում:
Մասնակցում է 17 թիմ, որից 3-ը՝ Արցախի հանրապետությունից: Մրցավարներն են Արտակարգ իրավիճակների նախարարության փրկարար ծառայության փրկարար ուժերի վարչության փրկարարական վարժանքների եւ փրկարարական մրցաշարերի կազմակերպման եւ Ճգնաժամային կառավարման պետական ակադեմիայի, հակահրդեհային պատրաստության մասնագետները:
Նման մրցումներ անցկացվում են 2013 թվականից: Զինված ուժերի հրշեջները մրցում են երեք մարզաձեւում. հրշեջ մեքենայի մարտական բացազատում՝ տալով B1 փողակ, եռածնկանի սանղուքով բարձրացում հրշեջ-աշտարակի երրորդ հարկ, գրոհող սանդուղքով հրշեջ-աշտարակի գրոհում:
Մնացածը՝ լուսանկարներով:
Արամ ԶԱՔԱՐՅԱՆ
Լուսանկարները՝ Վահրամ ԱՎՈՅԱՆԻ