Պատռած վերքերն ունենում են անհարթ եզրեր: Դրանք հաճախ առաջանում են այն մասերում, որտեղ ոսկրերը մաշկին մոտ են, օրինակ` ճակատին, կզակի շրջանում, սրունքի առաջային մակերեսին եւ այլն: Պատռած վերքը դժվար է լավանում, իսկ լավանալուց հետո կարող է կոպիտ սպի մնալ:
Պատռած վերքի դեպքում առաջին օգնությունը:
Վերքի վրա անձեռոցիկ տեղադրեք, վիրակապեք եւ դադարեցրեք արյունահոսությունը: Ձեռք մի տվեք արդեն տեղադրած վիրակապին կամ անձեռոցիկին: Եթե այն ներծծվում է արյունով, վրայից տեղադրեք նորը եւ վիրակապեք: Հակառակ դեպքում արյունահոսությունը կարող է վերսկսվել կամ ուժեղանալ:
Վիրակապելուց հետո դիմեք արագ արձագանքման ծառայություններ:
ՀԻՇԵՔ,
Ճիշտ արձագանքը փրկության գրավականն է:
