Գլխավոր Հրշեջ-փրկարարներ Փրկարարներն ազատում են արգելափակված մեքենաները

Փրկարարներն ազատում են արգելափակված մեքենաները

1038
Տարածել

Այս ձմեռը ձյան առատությամբ աչքի չընկնում, սակայն հանրապետության հատկապես բարձր լեռնային ճանապարհներին արձանագրվեցին եւ դեռ պատահում են մեքենաների արգելափակումներ:

Օրինակ այսօր ժամը 13:30-ի դրությամբ հանրապետությունում ավտոճանապարհները հիմնականում անցանելի են, որոշ ճանապարհահատվածներին տեղ-տեղ առկա է մերկասառույց: Դժվարանցանելի հատվածներ կան Սոթք-Քարվաճառ ավտոճանապարհին  եւ Վարդենյաց լեռնանցքում: Մեղրու լեռնանցքում  եւ Սյունիքի մարզում, Գեղարքունիքի մարզի Գավառ, Ս եւան, Կոտայքի մարզի Աբովյան, Լոռու մարզի Վանաձոր, Սպիտակ քաղաքներում ձյուն է տեղում: Ու հանրապետության ավտոճանապարհներին մեքենաների արգելափակման մի շարք դեպքեր են գրանցվել:

Հունվարի 25-ին, Արագածոտնի մարզի Ալագյազ գյուղի մոտակայքում փրկարարները դուրս են բերել ձյան մեջ արգելափակված «Range Rover» մակնիշի ավտոմեքենան՝ մեկ ուղ եւորով, Ալագյազ-Ապարան ավտոճանապարհին ձնակույտի մեջ մնացած «Nissan» մակնիշի ավտոմեքենան, մեկ բեռնատար էլ դուրս են բերել Ռյա Թազա-Ալագյազ ավտոճանապարհահատվածից: Ձյան մեջ արգելափակման դեպքեր են գրանցվել նաեւ Շիրակի մարզում: Երեկ երեկոյան Կրասար-Աշոցք ավտոճանապարհին արգելափակվել էր 5 ավտոմեքենա: Փրկարարները դուրս են բերել խցանված մեքենաները  եւ 4 քաղաքացու տեղափոխել Կրասար գյուղ:

Գիշերը Լոռու մարզի Սպիտակի ոլորաններին ձյան մեջ էր մնացել «ՈՒԱԶ» մակնիշի ավտոմեքենա, վարորդը չէր կարողացել շարունակել երթ եւեկությունը  եւ դիմել էր փրկարարների օգնությանը:

Դեպքի վայր է մեկնել մեկ մարտական հաշվարկ, արգելափակումից դուրս բերել «ՈՒԱԶ»-ը՝ հնարավորություն տվել վարորդին շարունակել ընթացքը: «Նախորդ տարվա համեմատ՝ այս տարի մեր տարածաշրջանում ձյան մեջ արգելափակման շատ դեպքեր չեն գրանցվել: Սպիտակի ոլորանից ստացված ահազանգը առաջինն էր, որին մեր հրշեջ-փրկարարներն արձագանքեցին: Այս իրավիճակը հիմնականում պայմանավորված է ձյան սակավ տեղումներով: Սովորաբար ձնառատ սեզոնին արգելափակումներ լինում են միջհամայնքային ճանապարհներին, ձնաբքի հետ եւանքով փակվում են գյուղերից մինչ եւ միջպետական ճանապարհ ընկած հատվածը: 2014թ.-ին Լոռու մարզի Հարթագյուղ տանող ճանապարհին առատ ձյան  եւ ձնաբքի հետ եւանքով տասնյակ մեքենաներ էին մնացել, գյուղում հարսանիք ու թաղում էր, հյուրերը մնացել էին ճանապարհին: Դեպքի վայր ժամանած փրկարարներին այդ տարի օգնության էին հասել նա եւ ՀՀ պաշտպանության նախարարության ամենագնացները»-տեղեկացրեց Սպիտակի հրշեջ-փրկարարական ջոկատի հրամանատար, փ/ծ փոխգնդապետ Սերոբ Գաբրիելյանը:

Ձմեռը դեռ չի ավարտվել, տեղումներ դեռ էլի են լինելու: Հունվարի 26-ի ցերեկը, 27-ին ժամանակ առ ժամանակ սպասվում են տեղումներ, գիշերը՝ թաց ձյան տեսքով: Վարորդներին հորդորում է մարզեր երթևեկել բացառապես ձմեռային անվադողերով։ Իսկ հունվարի 28-31-ը սպասվում է առանց տեղումների եղանակ:

Մերի ՍՈՂՈՄՈՆՅԱՆ