Աշխատանքային այցով Թբիլիսիում էր ՀՀ ԱԻՆ փրկարար ծառայության տնօրեն, փ/ծ գեներալ-մայոր Մուշեղ Ղազարյանի գլխավորած պատվիրակությունը: Ներքին գործերի նախարար Գիորգի Մգեբրիշվիլիի հետ քննարկվել են երկու երկրների արտակարգ իրավիճակների կառավարման համար պատասխանատու կառույցների համագործակցության հետ կապված հարցեր:
Պայմանավորվածություն է ձեռք բերվել հետևյալ հարցերի շուրջ՝
— միջազգային օգնության տրամադրման դեպքում Հայաստանի և Վրաստանի տարածքում արտակարգ իրավիճակների կանխարգելման և հետևանքների վերացման ժամանակ տեղեկատվության փոխանակում,
— նախարարությունների ղեկավար կազմի և ճգնաժամային կառավարման կենտրոնների միջև ուղիղ կապի հաստատում,
— սահմանամերձ հենակետերի միջև փոխգործակցության խթանում,
— Վրաստանում INSARAG-ի չափանիշներին համապատասխան որոնողափրկարարական ջոկատի ստեղծման աջակցություն,
— համագործակցություն միջազգային մարդասիրական կազմակերպությունների շրջանակում,
— համատեղ ուսումնավարժությունների անցկացում և հրշեջ-փրկարարական անձնակազմի վերապատրաստում,
— երրորդ երկրին հրշեջ-փրկարարական ուժերի համատեղ օգնության տրամադրում:
Աղբյուր՝ mes.am
