Գլխավոր ՀՀ ԱԻՆ ՎԱՍՆ ՏԱՎՈՒՇԻ ԴԻՄԱԿԱՅՈՒՆՈՒԹՅԱՆ

ՎԱՍՆ ՏԱՎՈՒՇԻ ԴԻՄԱԿԱՅՈՒՆՈՒԹՅԱՆ

447
Տարածել

ՀՀ արտակարգ իրավիճակների նախարարությունը, Հայկական Կարմիր խաչի ընկերությունն ու Կարմիր խաչի միջազգային կոմիտեն համաձայնագիր են ստորագրել Տավուշի մարզում քաղաքացիական պաշտպանության փրկարարական ծառայության կարողությունների զարգացման ոլորտում 2017-2018 թվականների համագործակցության վերաբերյալ:  Համաձայնագիրը ստորագրել են ԱԻ նախարար Դավիթ Տոնոյանը, Հայաստանում Կարմիր խաչի միջազգային կոմիտեի պատվիրակության ղեկավար Կարոլին Դույեզը, Հայկական Կարմիր խաչի ընկերության նախագահ Մխիթար Մնացականյանը: Ծրագրի նպատակն է բարձրացնել սահմանամերձ համայնքների բնակչության պաշտպանությունն ու պատրաստվածությունը: Նախատեսվում է Տավուշի մարզի սահմանամերձ համայնքներում գործող ԱԻՆ քաղաքացիական պաշտպանության հենակետերում, համայնքների մանկապարտեզներում և դպրոցներում կազմակերպել առաջին բուժօգնության, աղետների ժամանակ վարքականոնների, միջազգային մարդասիրական իրավունքի վերաբերյալ դասընթացներ:  «Սահմանամերձ համայնքներում բնակչության պաշտպանությունն ու պատրաստվածությունը յուրահատկություններ ունեցող ոլորտ է, և շատ կարևոր է, որպեսզի բնակիչները պատրաստված լինեն տարատեսակ արտակարգ իրավիճակներին արձագանքելուն: Սա իրական աջակցություն է համայնքներին, վերջիններիս դիմակայունության բարձրացման հարցում»,- համաձայնագիրը ստորագրելիս ասել է ՀՀ ԱԻ նախարար Դավիթ Տոնոյանը: