Նախարարությունը Երևանում նախաձեռնում է անվտանգության արշավ, որի նպատակն է արտակարգ իրավիճակներում պատրաստվածության մակարդակի բարձրացումն ու աղետների ռիսկի նվազեցումը:
Կրթօջախներում, գրադարաններում, թատրոններում և մասնավոր ձեռնարկություններում անցկացվելու են երեք տասնյակից ավելի շտաբային և հատուկ տակտիկական վարժանքներ:
Ինչպես մայրաքաղաքում, այնպես էլ մարզերում պարբերաբար կազմակերպվում են ուսումնավարժանքներ՝ նպատակ ունենալով հանրությանն ուսուցանել հնարավոր արտակարգ իրավիճակներում ճիշտ քայլերի հերթականությունը, հմտանալ և բացահայտել խնդիրներն ու բացթողումները, օգնել արագ կողմնորոշվել, ճիշտ գործելու վարքականոնները, որպեսզի կարող լինեն փրկվել ու նաև փրկել:
Արդյունքներն ակներև են:
